OnTV

富岡‧街道進行式

【客語】

桃園楊梅富岡對大部分人个印象，係一隻恬靜个客家莊摎車頭前个老街。為著提升客家文化生活，桃園市政府2020年推動「幸福富岡客家生活環境營造計畫」，改善車頭脣項摎老街景觀，今年再一擺展開「富岡老街景觀改造工程」。

以富岡車頭前个中正路、信義街作示範，結合本來特色建築摎生活需要，提升老街景觀風貌。七月舉辦在地居民工作坊，大家共下參與，思考討論未來个規劃；九月乜有辦理一場民眾說明會，分相關人員做得較清楚了解這擺个計畫。

這擺整頓毋單淨建築立面，還愛規劃人行道摎順平店亭下。毋過這下人行道頂高，毋係放有路障，就係有人停車過毋得，還有盡多愛改善个地方。

富岡老街个轉變，乜係盡多客家莊面臨發展轉型个縮影。建築立面翻新、友善人本空間規劃，有影做得帶來一時个新氣象。

毋過唯有建立由下到上个公民參與，耳角角仔聽在地民眾想法，正做得分客家老街生出新个生命力。

【華語】

桃園楊梅富岡對大部分人的印象，是一個寧靜的客家庄和車站前的老街。為了提升客家文化生活，桃園市政府2020年推動「幸福富岡客家生活環境營造計畫」，改善車站周邊與老街景觀，今年再次展開「富岡老街景觀改造工程」。

以富岡車站前的中正路、信義街作示範，結合原本特色建築和生活需要，提升老街景觀風貌。七月舉辦在地居民工作坊，大家一起參與，思考討論未來的規劃；九月也有辦理一場民眾說明會，讓相關人員可以較清楚了解這次的計畫。

這次整頓不只是建築立面，還要規劃人行道與順平騎樓。不過現在人行道上，不是放有路障，就是有人停車過不了，還有許多要改善的地方。

富岡老街的轉變，也是許多客家庄面臨發展轉型的縮影。建築立面翻新、友善人本空間規劃，確實可以帶來一時的新氣象。

不過唯有建立由下到上的公民參與，仔細地聆聽在地民眾想法，才可以讓客家老街長出新的生命力。