83歲老礦工周朝南的礦坑悲歡人生

這入去哦 死一个

毋入去死全家啦

毋入去 阮某囝枵死矣

較早一句話 你共記起來

礦坑礦坑賺 礦坑食

無做礦坑愛做乞丐

那个年代 有做就有通食

無做著無通食

所以彼个阿媽

做到內底羊水破才生囝

伊著無用 伊著無錢

         (周朝南提供)

所以我早時來夠遮  講我就好

我早時來較遮 心情是鬱悶的

但是體格足好 昨暗睏飽飽

昨暗食飽飽 早起嘛食真飽

精神足好 來到遮 來到遮

我面是無笑容

看著你無啥愛佮你相借問

足鬱悶矣 欲入去也 無愛入去

但是為了家庭 嘛是愛入去矣

所以愛入去 入去坑內

著袂使食薰

塗炭內底有瓦斯

有瓦斯就會爆炸

所以嚴禁煙火在礦坑裡面

所以阮早時仔

欲入去8點鐘久  愛做8點鐘久

8點鐘久攏袂使食薰

         (周朝南提供)

所以薰一支仔 一支牽

耳仔掛兩支

手骨閣攑一支

這三支哦

這三支緊10分鐘久

緊甲牽予了

我欲坐交通車入去

坐車入去作穡

         (周朝南提供)

這三支喔 拍拚欶

阿姐 你看著你會毋甘

著講   兄弟

你薰按呢欶 身體 拍歹去哦

身體有影會拍歹矣

我會共你講按呢

我講我若無按呢欶

你知影我下晝

         (周朝南提供)

敢有通閣再欶一喙無

彷彿早上那一口菸

就是礦工最後

人生最後的一口菸

講起來很悲哀

要不要進去工作

硬著頭皮還是要進去

就欲入去做 入去在那種高溫

高惡劣環境又粗重的工作

         (周朝南提供)

做了8個小時以後

到了下午3點4點

下班的時候

已經拖著疲憊的身體

水也飲了汗嘛流了

行路行袂去  強欲死矣

但是阮來到採光坑口

看到坑口的光線

彼精神就來矣

         (周朝南提供)

雖然身體足虛的

但是心情是足爽快的

早上那個  早時仔

彼个臭薟薟的面

攏無仝款

就像阿姐你這馬笑咪咪

你會看著阿姐 你有看著講’

你早時仔 精神真好

面仔臭薟薟

這久啊 做甲強欲死矣

你閣笑 笑甲笑咍咍

閣若行若唱歌出來

我共你講的

阮那會袂歡喜

         (周朝南提供)

我一定唱歌出來呀

我唱足爽的

你看我趁著錢

我撿著命

無死呀撿著命的

上重要的

毋是這兩條上重要的

我轉去會使佮阮厝內

         (周朝南提供)

佮阮某囝食一頓

食一頓幸福的晚餐

我們的幸福

不是現在你們的龍蝦九孔 沒有啦

粗飯 青菜 食會飽

溫飽就是我們的幸福

所以礦工的幸福就垂手可得

會使佮厝的

無死趁一个錢轉來

佮某囝食一个飯

就是幸福的晚餐

講起來的

很悲微的要求

幸福完全毋是

像恁現在食較好的菜

無阿　粗飯食會飽就幸福

所以說我常常在說

現在的人什麼都這麼不幸福

我們以前溫飽就幸福

現在就逐項都不幸福

公民記者 巫仁傑 新北市報導

周朝南 - 國家文化記憶庫

周朝南，昭和19年（1944）生於猴硐，17歲時因家境貧困所以就近至猴硐瑞三煤礦工作，經歷過採煤工、支撑工、掘進工等職務，直到後來升職當了為領班與礦場安全管理員。

感謝蔡燕婷老師協助台語字幕校稿