刻劃一生 容仔師傅欲一甲子的刻佛歲月

刻劃一生　容仔師傅欲一甲子的刻佛歲月　

（記者Stand）

記者這馬所在位置是雲林北港的玄緣軒佛店。這間店的頭家－容仔師傅，已經刻佛仔刻逐欲一甲子矣。伊的手頭，不但有北港軟身媽祖椅的專利，擱會當說是頂港有名聲，北港蓋出名。

SB1：蔡烱容－刻佛師傅

當初是阮一個大姨丈的囝婿，伊有在刻花；我彼陣住在大育，感覺說住在大育做生意後擺出來沒什麼前途。剛好有這個機會想說，阿毋咧學，彼陣就是有這個機會才說來學一個工夫，後擺才不會費氣；若是欲做，經濟壓力也較沒遐爾大。

要刻成一尊佛像，就要經過四步，逐步都要照起工走。

SB1：蔡烱容－刻佛師傅

第一個步驟是來訂，第二個步驟開斧，第三就是入神，第四就是開光。

這要按部就班，不能說一個就搞咧就好，要一個就要爬上去偌懸，不可能。

容仔師傅除了會曉刻佛仔之外，伊擱愛唱日本歌，甚至在老人會當DJ。而且伊很擱真會翕相，四界咧看別人的作品，翕落來做參考。伊的看法是，你若要學一個技術，知影通看、知影通仿，是雄重要的頭一步。

SB1：蔡烱容－刻佛師傅

因為我是從刻花轉變做佛，當然我就是一四界去看好的神明，把它記錄下來。

人若要做，我就開始加減仿，仿起來效果會較好，因為那都是較早名師做的。

名師做，你綴著伊做，不會差太多。

對福州體還有泉州體兩種風格，容仔師傅也有他自己意愛的彼一個。

SB1：蔡烱容－刻佛師傅

因為福州體對比例較注重，頭身比例較標準；你若是泉州式的，是比較沒有講究按呢，但是伊看起來很古樸，這各有優點。

容仔師傅刻佛仔頂真的態度，讓人客還有厝邊都頭尾都真呵咾著。加上佇網路頂懸社群媒體的經營，容仔師傅的名聲，算是做起來了。

SB2：陳先生－顧客

容叔他的作品算較龜毛，伊嘛較會要求性比較高，大家對他的作品也比較欣賞。

SB3：張女士－鄰居

伊都做袂去呢，因為他就是很細心、把他的工作做得很好，所以他雕出來的神像就會很好。

對產業的未來，容仔師傅表示，在大陸佛的市場競爭、擱有做的人越來越少的情形之下，刻佛仔這途，會當說是逐欲消失去矣。

SB1：蔡烱容－刻佛師傅

這馬是沓沓仔走入去專業分工的時代了，其實現在大陸的神明入來太多矣。你若是擱長久按呢來，可能大餅會剩一角而已。怎麼說，因為他做俗，我們的柴用好的，(大陸佛)就可以請兩尊了，所以他們大陸有一個優勢。

擱來就是咱臺灣學這個的人，沓沓咧萎縮，你若按呢來，以阮這個年紀來說，不做就差不多要沒了，這將來會失傳；所以這馬攏分工，打粗坯返打粗坯、收光返收光、打底返打底、開面返開面，這樣安金再另外一個。這馬攏按呢，攏分較幼矣，但是會較強；因為分工以後伊算是伊的專業，伊安金起來不會安起來不金，但是伊按起來足金，那就算是伊的專業了。

容仔師傅逐欲一甲子的刻佛歲月，不僅是伊對手藝的堅持，擱是伊對傳統文化的一種守護。

伊自少年開始奮鬥，一刀、一刻，堅持活到老、做到老、嘛學到老，乎阮在這個進步這麼快的時代，猶原會當看到刻佛仔容仔師傅，伊打拚的身影。只要有伊在的一天，刻佛仔的技術，就永遠不會失傳。

記者/潘宣聿 雲林北港 採訪報導